“हेल्मेट नाही तर सूट नाही!” – नेरळमध्ये पोलिसांची कडक मोहीम सुरू ….

नेरळ (सुमित क्षिरसागर)

दि.२७ एप्रिल २०२६: नेरळ परिसरात वाहतूक नियमांचे उल्लंघन करणाऱ्यांवर पोलिसांनी धडक कारवाईला सुरुवात केली असून बेफिकीर दुचाकी चालकांवर आता थेट दंडाची कारवाई होत आहे. विशेषतः हेल्मेटशिवाय प्रवास करणाऱ्यांवर पोलिसांचे बारीक लक्ष आहे.

🎯सुरक्षित प्रवासासाठी रायगड पोलिसांची मोहीम वेगात

रायगड जिल्ह्यात अपघातांचे प्रमाण कमी करण्यासाठी पोलीस अधीक्षक अंचल दलाल यांच्या नेतृत्वाखाली विशेष उपक्रम राबवला जात आहे. या मोहिमेत दुचाकी चालकांनी हेल्मेट वापरणे बंधनकारक करण्यात आले असून नियम तोडणाऱ्यांवर कडक कारवाई केली जात आहे.

🎯नेरळ पोलिसांचा अ‍ॅक्शन मोड

सहाय्यक पोलीस निरीक्षक राहुल वरोटे यांच्या मार्गदर्शनाखाली वाहतूक पोलिसांनी विविध ठिकाणी तपासणी मोहीम सुरू केली आहे. नियम मोडणाऱ्या वाहनचालकांना थांबवून दंड आकारला जात आहे.
कोणत्या उल्लंघनांवर कारवाई?

हेल्मेट न घालता दुचाकी चालवणे

*तीन जणांनी एकाच दुचाकीवर प्रवास करणे
*परवाना नसताना वाहन चालवणे
*अल्पवयीनांकडून बेफाम वेगात वाहन चालवणे

अपघातांची वाढती चिंता

हेल्मेटचा वापर टाळल्यामुळे डोक्याच्या गंभीर दुखापतींचे प्रमाण वाढत असून अनेकांना जीव गमवावा लागत आहे. यामुळेच पोलिसांनी ही कठोर भूमिका घेतली आहे.

जनजागृतीलाही तितकेच महत्त्व
दंडात्मक कारवाईसोबतच नागरिकांना वाहतूक नियमांचे महत्त्व पटवून देण्यासाठी जनजागृती कार्यक्रमही राबवले जात आहेत.

एकूणच, “सुरक्षितता प्रथम” या मंत्रावर भर देत नेरळ पोलिसांनी नियमभंग करणाऱ्यांविरुद्ध शून्य सहनशीलतेची भूमिका घेतली आहे.