🎯ब्रेकिंग ; अखेर दिवा शहराला मिळाला हक्काचा पिनकोड

विजय भोईर यांच्या मागणीला यश

संतोष पडवळ – प्रतिनिधी

ठाणे ता २१ मे : आता तरी जागा हो दिवेकर व भारतीय जनता पार्टीचे विजय अनंत भोईर यांच्या पाठपुराव्याला यश मिळाले आहे. दिवा शहराचा पिन कोड पूर्वी मुंब्रा व दिवा शहरे मिळून समाविष्ट होता परंतु दिवा शहराला स्वतंत्र पिनकोड मिळावा ही मागणीसाठी विजय भोईर यांनी अनेक वर्षांपासून लढा सुरु ठेवला होता. अखेर आज यांच्या मागणीला यश मिळाले आहे. आता मुंब्रा शहरासाठी 400612 पिन कोड असणार असून दिवा शहरासाठी नवा 400611 हा पिनकोड असणार आहे.

आता तरी जागा हो दिवेकर व भारतीय जनता पार्टीच्या माध्यमातून श्री. विजय अनंत भोईर गेले कित्येक वर्षे सतत दिव्याला एक स्वतंत्र पिनकोड मिळावा यासाठी सतत पत्रव्यवहार, केंद्रात निवेदने देत होते. आणि त्याची दखल केंद्रातून घेतली गेली आहे आणि दिव्याला आता स्वतंत्र पिनकोड मिळाला आहे. यासाठी सतत पाठपुरावा करत असल्याने श्री. विजय भोईर यांच्या प्रयत्नांना यश आले आहे की, दिव्याला मुंब्रासोबत पिनकोड असल्याने बऱ्याच तांत्रिक अडचणी येत असे त्या आता नक्की दूर होतील.