ब्रेकिंग : दिव्यातील बेडेकर नगर भागात घरात लागलेल्या आगीत घरसामान जळाले ; अग्निशमन दलाकडून आग आटोक्यात

संतोष पडवळ – प्रतिनिधी

ठाणे, दिवा ता २७ जून : आज २७/०६/२०२६ रोजी दुपारी २ : ४५ वाजताच्या सुमारास चिन्मय गेट जवळ, बेडेकर नगर, दिवा आगसन रोड, दिवा (पू.) येथील तुलसी निवास तळ + ०५ मजली) या इमारतीच्या तिसऱ्या मजल्यावरील रूम नं. ३०६ (मालक – श्री. जागनदंन पाल) मध्ये फ्रिजला आग लागली होती. घटनास्थळी अग्निशमन दलाचे स्थानक अधिकारी व जवान ०१- फायर वाहन व ०१ – रेस्क्यू वाहनासह तसेच टोरंट पॉवर कंपनीचे कर्मचारी उपस्थित होते. सदर घटनास्थळी लागलेली आग रहिवाश्यांच्या मदतीने अग्निशमन दलाच्या जवानांकडून पूर्णपणे विझविण्यात आली असून, परिस्थिती नियंत्रणात आहे.