ब्रेकिंग : दिव्यात शॉर्टसर्किट होऊन बेकरी जळून खाक.

संतोष पडवळ – प्रतिनिधी

ठाणे, दिवा : दिनांक ०४/११/२०२५ रोजी ००:०२ वाजताच्या सुमारास कावेरी ज्वेलर्स समोर, गणेश मंदिर जवळ, गणेश नगर, दिवा आगासन रोड, दिवा, ठाणे. या ठिकाणी न्यू बेंगलोर अय्यंगार बेकरी (शॉप नंबर -३, तळ +१ मजली, मालक:- श्री. चेतन आलप) या दुकानाला आग लागली आहे. सदर घटनास्थळी मुंब्रा पोलीस कर्मचारी, टोरंट पॉवर विद्युत कर्मचारी, अग्निशमन दलाचे जवान ०१-फायर वाहनासह, ०१- रेस्क्यू वाहनासह उपस्थित आहेत. सदर घटनास्थळी कोणालाही दुखापत नाही.

सदर घटनास्थळी दुकानांमध्ये आग लागल्यामुळे दुकानांमधील एसी, कपाट व इतर खाद्यपदार्थ जळून नुकसान झाले आहे. सदर घटनास्थळी लागलेली आग अग्निशमन दलाचे जवान यांच्याकडून विझविण्याचे शर्तीचे प्रयत्न करून आग आटोक्यात आणण्यास यश मिळाले.