🎯नेरळमध्ये महिलांचा जल्लोष ; होम मिनिस्टर खेळात शेलूच्या नम्रता बेंद्रे ठरल्या मानकरी. लावणी सम्राज्ञी हिंदवी पाटील उपस्थित

शिवनेरी न्यूज23/12/2025

312

[wps_visitor_counter]

नेरळ : सुमित क्षिरसागर

नेरळ ता २३ डिसें : शिवसेना शिंदे गट नेरळ जिल्हा परिषद – नेरळ विभागाच्या वतीने महिलांसाठी आयोजित “खेळ रंगला पैठणीचा – होम मिनिस्टर” या भव्य सांस्कृतिक कार्यक्रमाने नेरळ शहरात उत्साहाचे वातावरण निर्माण केले. छत्रपती शिवाजी महाराज मैदानावर पार पडलेल्या या कार्यक्रमात महिलांचा उस्फूर्त प्रतिसाद पाहायला मिळाला.

कार्यक्रमाची सुरुवात पारंपरिक लावणी व मनोरंजनात्मक नृत्याने झाली. लावणी सम्राज्ञी हिंदवी पाटील यांच्या सादरीकरणाने संपूर्ण मैदान दणाणून गेले. त्यानंतर महिलांसाठी विविध खेळांचे आयोजन करण्यात आले. होम मिनिस्टर – पैठणी या खेळात महिलांनी मोठ्या उत्साहात सहभाग घेतला.
या खेळात उत्कृष्ट कामगिरी करत शेलू येथील राहणाऱ्या नम्रता अतुल बंद्रे यांनी प्रथम बक्षीस स्कुटी आणि मानाची पैठणीचे मानकरी ठरण्याचा मान मिळवला.
तसेच—द्वितीय बक्षिस शेलू येथील शर्मिला खंडागळे यांनी led tv आणि पैठणी तर तृतीय अक्षदा कोंडीलकर वॉशिंग मशीन पैठणी,चतुर्थ दिपाली शेळके वॉटर हिटर पैठणी,पाचवा क्रमक अश्विनी पाटील मिक्सर पैठणी.

अशा प्रकारे अनेक महिलांनी पैठणी, थाळी, मिक्सर, बकेट सेट, स्टील व प्लास्टिक साहित्य यांसारखी आकर्षक बक्षिसे मिळवली. कार्यक्रमाला उपस्थित सर्व महिलांना साडी भेट देऊन सन्मानित करण्यात आले.
या भव्य कार्यक्रमासाठी डॉ. शिल्पा ललित जैन,सुनिता सुरेश टोकरे व माजी जिल्हा परिषद अध्यक्ष सुरेशदादा हरिश्चंद्र टोकरे यांनी विशेष पुढाकार घेतला. शिवसेना, युवा सेना व महिला आघाडीच्या संयुक्त आयोजनामुळे मोठ्या संख्येने पदाधिकारी, महिला वर्ग व युवा कार्यकर्ते उपस्थित होते.
कार्यक्रमाला राज्याचे. मंत्री भरत गोगावले, आमदार महेंद्र थोरवे व सिद्धिविनायक महिला नेत्या मीना कांबळी यांची प्रमुख उपस्थिती लाभली. उपस्थित मान्यवरांनी आयोजकांचे कौतुक करत महिलांसाठी असे सांस्कृतिक व सन्मानाचे उपक्रम सातत्याने राबवावेत, अशी अपेक्षा व्यक्त केली.
एकूणच, महिलांचा सन्मान, मराठी संस्कृतीचा जागर आणि सामाजिक शक्तीप्रदर्शन यांचा संगम साधणारा हा कार्यक्रम नेरळच्या राजकीय व सांस्कृतिक वर्तुळात चर्चेचा विषय ठरला.