🎯ठाण्यात शासकीय व निमशासकीय कर्मचारी-अधिकाऱ्यांची क्रिकेट स्पर्धा उत्साहात संपन्न.

शिवनेरी न्यूज01/04/2026

[wps_visitor_counter]

संतोष पडवळ – प्रतिनिधी

ठाणे ता ३१ मार्च : शासकीय व निमशासकीय कर्मचारी तसेच अधिकाऱ्यांसाठी आयोजित करण्यात आलेल्या क्रिकेट स्पर्धेला उत्स्फूर्त प्रतिसाद लाभला. या स्पर्धेत एकूण १२ संघांनी सहभाग नोंदवला होता. संपूर्ण स्पर्धा एकाच दिवसात ठाणे सेंट्रल मैदान येथे यशस्वीरित्या पार पडली. सर्व संघांनी अत्यंत खेळाडूवृत्ती, शिस्तबद्धता आणि उत्साहाने सामने खेळले. प्रत्येक सामना रोमांचक ठरला असून खेळाडूंनी उत्कृष्ट कामगिरी सादर केली. या स्पर्धेचे आणखी एक महत्त्वाचे वैशिष्ट्य म्हणजे शारीरिक आरोग्याबाबत जागरूकता निर्माण करणे होय.

आजच्या धकाधकीच्या जीवनशैलीत शासकीय व निमशासकीय कर्मचाऱ्यांमध्ये ताणतणाव वाढत असताना, अशा क्रीडा स्पर्धांमुळे शारीरिक तंदुरुस्ती, मानसिक स्वास्थ्य आणि कार्यक्षमता वाढण्यास मोठी मदत होते. स्पर्धेचे नियोजन, वेळेचे व्यवस्थापन आणि आयोजन अत्यंत उत्तम प्रकारे करण्यात आले होते. आयोजकांच्या मेहनतीमुळे संपूर्ण स्पर्धा सुरळीत आणि यशस्वीरीत्या पार पडली. या उपक्रमामुळे कर्मचारी व अधिकाऱ्यांमध्ये एकोपा, मैत्रीभाव आणि क्रीडास्पर्धेची भावना अधिक दृढ झाली. सहभागी खेळाडू आणि उपस्थित प्रेक्षकांनी या उपक्रमाचे कौतुक केले. ठाणे कॉप्स फायनल विजेता संघ हा
विजेता ठरला प्रसंगी विजेता व उपविजेत्या संघांना पारितोषिक देऊन गौरविण्यात आले.