🎯ब्रेकिंग ठाणे ; मुंब्र्यात तरुणाने खाडीत उडी मारली ; शोध सुरु.

संतोष पडवळ – प्रतिनिधी

ठाणे : आज दिनांक ०४/१२/२०२५ रोजी संध्याकाळी ६ : ३० वाजताच्या सुमारास बॉम्बे ढाबा जवळ, रेतीबंदर खाडी, रेतीबंदर, ठाणे या ठिकाणी रेतीबंदर ब्रिजवरून श्री. मोहिन अन्सारी (पु/अंदाजे ३० वर्ष, राहणार फातिमा पॅलेस, मुंब्रा) या व्यक्तीने खाडीमध्ये उडी मारली आहे. सदर घटनास्थळी नारपोली पोलीस स्टेशनचे पोलीस कर्मचारी, प्रादेशिक आपत्ती व्यवस्थापन कक्षाचे कर्मचारी ०१-पिकअप वाहनासह, ठाणे अग्निशमन दलाचे जवान ०१-रेस्क्यू वाहनासह, भिवंडी अग्निशमन दलाचे जवान ०१-फायर वाहनासह, ठाणे आपत्ती प्रतिसाद दलाचे जवान ०१-बस वाहनासह उपस्थित होते.

सदर घटनास्थळी अपुऱ्या प्रकाशामुळे व खाडी मधील पाण्याचा प्रवाह मोठ्या प्रमाणात असल्यामुळे शोध कार्य करण्यात अडथळा निर्माण होत असल्यामुळे नारपोली पोलीस कर्मचारी यांच्या आदेशावरून खाडीतील शोधकार्य तात्पुरत्या स्वरूपात थांबविण्यात आले आहे. सदर शोधकार्य उद्या सकाळी भिवंडी अग्निशमन दलामार्फत पुन्हा सुरू करण्यात येणार आहे.