🎯 दिव्यात नक्षत्र क्लासेसची कु. एकता ९५.२०% मिळवून शहरात अव्वल . गरीबी व आर्थिक परिस्थितीवर मात करत मिळवले यश

शिवनेरी न्यूज08/05/2026

380

[wps_visitor_counter]

संतोष पडवळ – प्रतिनिधी

ठाणे ता ८ मे : गरीबी व आर्थिक परिस्थितीवर मात करत दिवा शहरातील नक्षत्र कोचिंग क्लासेसची कु. एकता ९५.२०% मिळवून शहरात अव्वल येणाचा मान मिळवला आहे. एस एस सी दहावी परिक्षेचा निकाल ८ मे रोजी जाहीर झाला. दिवा शहरातील साबेगाव डीजी कॉम्प्लेक्स भागातील नक्षत्र कोचिंग क्लासेस व गणपत वारेकर विद्यालयात शिकणारी कु. एकता विदयाधर माणगांवकर हीने ९५.२० टक्के मिळवून दिव्यात घवघवीत यश मिळवले आहे. दिव्यात चाळीच्या १०/१२ च्या रुममध्ये राहणारी कु. एकता हिची आई घरकाम करून तर वडील खाजगी नोकरी करून आपला उदरनिर्वाह करत असलेल्या कुटूंबातील कु. एकताने जिद्दीने हे यश संपादन केले आहे.

कु. एकता माणगावकर हिने आपल्या दररोजच्या शालेय अभ्यासाबरोबर नक्षत्र क्लासेसचे गोविंद गावकर सर यांचे मोलाचे मार्गदर्शन व नियमित अभ्यास तसेच पालकांचे सहकार्य यामुळेच मला यश संपादन करण्यात यश मिळाले असल्याचे कु. एकता हिने स्पष्ट केले आहे. पुढे विज्ञान शाखेत प्रवेश घेऊन इंजिनिअर होण्याचे तिचे स्वप्न आहे. शिवाय कु. जान्हवी देशमुख ८९.२० टक्के, कस्तुरी चंदरकर ८०.८० टक्के, कार्तिकी सोलकर ७७.८०% तर प्रेम पाकतेकर ७७% गुण मिळवले विशेष बाब म्हणजे गांवकर सरांच्या दहावी बॅचमध्ये फक्त १० विद्यार्थी होते. सरांची शिस्त, योग्य नियोजन व योग्य मार्गदर्शन विद्यार्थ्यांना मिळाले आहे.