🎯ब्रेकिंग ; दिवा बीट अग्निशमन केंद्राचे जवानाचा विजेचा धक्का लागल्याने दुर्दैवी मृत्यू तर ऐक जवान जखमी

संतोष पडवळ – प्रतिनिधी

ठाणे, दिवा ता १२ : आज दिनांक १२ ऑक्टोबर २०२५ रोजी ५ वाजताच्या सुमारास सुदामा रेसिडेन्सी बाजूला, खर्डीगाव, दिवा – शीळ रोड, दिवा (पू.), ठाणे याठिकाणी टोरंट पॉवर कंपनीच्या ओव्हरहेड वायरवर कबुतर अडकल्याची वर्दी प्राप्त झाल्यानंतर दिवा बीट अग्निशमन केंद्राचे जवान ०१-रेस्क्यू वाहनासह घटनास्थळी पोहचले. दरम्यान कबुतराची सुटका करत असताना अग्निशमन दलाच्या ०२- जवानांना ओव्हरहेड वायरचा विजेचा धक्का बसल्याने त्यांना छत्रपती शिवाजी महाराज रुग्णालय, कळवा येथे दाखल करण्यात आले असून त्यांची माहिती खालीलप्रमाणे:-
१) श्री. उत्सव पाटील (पु / २८ वर्षे / राहणार – दातीवली गाव, दिवा) यांचा मृत्यू झाला असल्याचे छत्रपती शिवाजी महाराज रुग्णालयाच्या वैद्यकीय अधिकारी यांनी घोषित केले.
२) श्री. आझाद पाटील (पु / २९ वर्षे / राहणार – वाडा, पालघर) यांना हाताला व छातीला भाजले आहे

सद्यस्थितीत छत्रपती शिवाजी महाराज रुग्णालय, कळवा येथे उप आयुक्त श्री. दिनेश तायडे सो., मुख्य अग्निशमन अधिकारी श्री. झळके सो., अग्निशमन दलाचे अधिकारी व कर्मचारी तसेच आपत्ती व्यवस्थापन कक्षाचे कर्मचारी उपस्थित आहेत.