🎯ब्रेकिंग ; ठाण्यात पहाटे इमारतीचा ५ व्या मजल्यावरील स्लॅब ४ थ्या मजल्यावर कोसळून ३ जण गंभीर जखमी.

शिवनेरी न्यूज17/02/2026

2,226

0 5 1 8 8 8

संतोष पडवळ – प्रतिनिधी

ठाणे ता १७ फेब्रुवारी : आज पहाटे ०३:०७ वाजताच्या सुमारास आपत्ती व्यवस्थापन कक्षामध्ये प्राप्त झालेल्या घटनेच्या माहितीनुसार नूतन नीलम अपार्टमेंट, हनुमान मंदिर जवळ, शांतीनगर, वागळे इस्टेट, ठाणे (प.) याठिकाणी नूतन नीलम अपार्टमेंट, ए विंग (इमारत तळ +५ मजली, ३० ते ३५ वर्षे जुने बांधकाम) या इमारतीच्या पाचव्या मजल्यावरील रूम नं. ५०१ (मालक – श्री. गजेंद्र प्रसाद) चा स्लॅब चौथ्या मजल्यावरील रूम नंबर- ४०२(मालक श्री. यादव) वरती कोसळला आहे. सदर घटनास्थळी मा. उपायुक्त श्री. गोदेपुरे सो. आपत्ती व्यवस्थापन अधिकारी श्री. तडवी सो., बांधकाम विभागाचे अधिकारी, अग्निशमन दलाचे अधिकारी व पोलीस अधिकारी व कर्मचारी, तसेच अग्निशमन दलाचे जवान ०१- फायर वाहनासह, ०१- रेस्क्यू वाहनासह, आपत्ती व्यवस्थापन कक्षाचे कर्मचारी ०१-पीकअप वाहनासह, सार्वजनिक बांधकाम विभागाचे उप अभियंता, अग्निशमन दलाचे जवान ०१- इमर्जन्सी टेंडर व ०१ – रेस्क्यु वाहनासह, महावितरण कर्मचारी उपस्थित होते.

सदर घटनेत ०३ – व्यक्तींना दुखापत झाली असून, दुखापत झालेल्या व्यक्तींची माहिती पुढील प्रमाणे :- १) श्री गजेंद्र प्रसाद, ( पु/ वय – ६० वर्षे, दुखापत :- उजव्या खांद्याला फ्रॅक्चर व शरीराला दुखापत झाली आहे. राहणार :- रूम नंबर ५०१, नूतन नीलम अपार्टमेंट.)

२)श्री. प्रिन्स यादव, (पु/ वय :- २५ वर्षे, दुखापत उजव्या पायाला फ्रॅक्चर व शरीराला दुखापत.)

३) श्री प्रदीप यादव. (पु/ वय:- २३ वर्षे, दुखापत :- दोन्ही पायांना व शरीराला दुखापत. सदर दोन्ही व्यक्ती रूम नंबर- ४०२, नूतन नीलम अपार्टमेंट)

सदर तिन्ही व्यक्तींना उपचाराकरिता ठा.म. पा. रुग्णवाहिकेमधून मातोश्री गंगुबाई संभाजी शिंदे रुग्णालयामध्ये उपचाराकरिता दाखल करण्यात आले असून त्यांच्यावरती उपचार सुरू असून श्री. प्रदीप यादव यांची प्रकृती चिंताजनक असल्याने त्यांना पुढील उपचाराकरिता फोर्टिस हॉस्पिटल, भांडुप, मुंबई येथे दाखल करण्यात आले आहे.

सदरची इमारत C2B या प्रवर्गामध्ये येत असून, इमारत धोकादायक असल्याने सुरक्षेतेच्या कारणास्तव सदर इमारत पूर्णतः रिकामी करण्यात आली आहे.

सदर इमारतीमध्ये एकूण २६ रूम असून त्यामध्ये एकूण अंदाजे ८५ ते ९५ व्यक्ती राहत होते.

सदर इमारतीमधील रहिवाशांना तात्पुरत्या स्वरूपामध्ये ठा.म.पा. शाळा क्रमांक – ३८, शांतीनगर, वागळे इस्टेट येथे वास्तव्य करिता पाठविण्यात आले आहे. तसेच उर्वरित बांधकाम धोकादायक स्थितीत असल्याने नूतन नीलम अपार्टमेंट मधील ए विंग व बी विंग पूर्णपणे सीलबंद करण्यात आली असून, पुढील कार्यवाही ठा.म.पा. बांधकाम विभाग कडून करण्यात येणार आहे.