🎯ब्रेकिंग ; दिवा खर्डी येथील सुदामा रेसिडन्सी इमारतीतील १० व्या मजल्यावरील फ्लॅट जळून खाक..

संतोष पडवळ – प्रतिनिधी

ठाणे, दिवा ता : आज दिनांक ०७/०३/२०२६ रोजी ११:०५ वाजताच्या सुमारास सुदामा रेसिडेन्सी खर्डी गाव, दिवा, ठाणे या ठिकाणी विघ्नहर्ता सोसायटी बी३ विंग (तळ +१५ मजली इमारत) या इमारतीच्या १० व्या मजल्यावरील रूम नंबर १००४(मालक: अज्ञात, भाडेकरू: श्रीमती. नेहा धावडे) या घरामध्ये आग लागली होती. सदर घटनास्थळी शीळ अग्निशमन केंद्राचे स्थानक अधिकारी श्री. इंगळे सो. व अग्निशमन दलाचे जवान ०१- फायर वाहन व १ रेस्क्यू वाहनासह उपस्थित होते. सदर घटनास्थळी कोणालाही दुखापत नाही. सदर घटनास्थळी आगीमध्ये घरामधील कपाट, फ्रिज, एसी सर्व साहित्य व इलेक्ट्रिक वायरिंग जळून नुकसान झाले आहे.

सदर घटनास्थळी लागलेली आग अग्निशमन दलाचे जवान यांच्या मदतीने १३:२३ वाजताच्या सुमारास पूर्णपणे विझविण्यात आली आहे. परिस्थिती नियंत्रणात आहे.