🎯ब्रेकिंग ; दिव्यात थकीत मालमता कर न भरल्याने सील केलेला व्यवसाय परस्पर सुरु केल्याप्रकरणी गुन्हा दाखल.

५ लाख कर थकल्याने दिवा प्रभाग समितीची कारवाई.

संतोष पडवळ – प्रतिनिधी

ठाणे, दिवा ता २० फेब्रु : ठाणे महानगरपालीका, मालमत्ता कर वसुली विभाग, दिवा प्रभाग समितीचे कर निरीक्षक व टीमने कारवाई सुरु केली असून मालमत्ता कर आकारणी, हस्तांतरण प्रक्रिया, मालमत्ता धारकास नोटीस बजावणे, मालमत्ता अटकावणी करणे, अधिपत्र, जप्ती/वारंट बजावणे इत्यादी कामे पार पाडली जातात. (मालमत्ता क्र. 61722117) शबाना कंम्पाउंड, शिळ याचे मालक शकील गफार खान हे असुन त्यांचेकडुन हसरत खान याने सदर मालमत्ता भाडयाने घेतलेली आहे व तेथे लाकडाचे बाक्स बनविण्याचा व्यवसाय करत आहे. सदर मालमत्तेचा रु.5,01,981/- इ. कर भरणा बाकी असल्याने मालमत्तेचे मालक हसरत खान यास मालमत्ता कर बाकी असल्याचे व मालमत्ता कर न भरल्यास तीन दिवसामध्ये कायदेशीर कारवाई करण्याची 1676/2026 प्रमाणे नोटीस देवुन देखिल मालमत्ता मालक यांनी मालमत्ता कर न भरल्याने मालमत्ता कायदेशीर नियमाप्रमाणे अटकावणी (सील) करून सदर मालमत्तेला अधिपत्र देवुन जप्ती व वारंट काढुन अटकावणी केली होती. सदर कारवाई करताना इसम नामे हसरत खान हे समक्ष हजर होते. दिंनाक 19/02/2026 रोजी दुपारी सदर ठीकाणी हसरत खान हा मालमत्तेस केलेली अटकावणीस न जुमानता तेथे त्याचा व्यवसाय करत असल्याने आढळुन आले. प्रकरणी कर निरीक्षक व टीमने मालमत्ता क्र. 61722117 पत्ता शबाना कंम्पाउंड, शिळ-महापे रोड येथे जावुन पाहणी केली असता आम्हाला देखिल इसम नामे हसरत खान याने आम्ही मालमत्तेला केलेली अटकावणीस न जुमानता सदर ठीकाणी व्यवसाय करताना आढळला. मी हसरत खान यास त्याबाबत विचारणा केली असता त्याने सदर केलेल्या अटकावणीस विरोध केल्याचे कबुल केले.

दिवा प्रभाग समितीचे सहायक आयुक्त शिवप्रसाद नागरगोजे यांच्या मार्गदर्शनाखाली सदर मालमत्तेस अटकावणी केलेली असताना दिं.13/02/2026 ते दिं. 19/02/2026 रोजी दुपारी 03.00 वाजताच्या दरम्यान इसम नामे हसरत खान याने अटकावणी तोडुन त्यामध्ये प्रवेश करून तेथे त्याचा व्यवसाय करत असताना मिळुन आला प्रकरणी याचेविरूदध् भारतीय न्याय संहिता कलम 223,221,324 (2) नुसार गुन्हा दाखल करण्यात आला आहे.